Guía informativa: Alimentación.

A Guía Informativa: Alimentación, elaborada polo Instituto Vasco de Consumo, é un material pedagóxico de apoio para os profesores de secundaria. O manual ofrece recursos para traballar a educación de consumo cos alumnos, co obxecto de formar persoas consumidoras conscientes, críticas e responsables desde idades temperás. Esta guía da alimentación recolle información e ferramentas educativas para incorporalas de xeito directo ao currículo escolar de secundaria. Con ese fin, o material inclúe actividades e obradoiros para os alumnos, organizado en catro bloques: Alimentación e nutrición, Estética e alimentación, Análise comparativa de alimentos e Manipulación segura de alimentos. A guía resulta un bo punto de partida para lles ensinar aos escolares a identificar as súas necesidades nutritivas e a importancia dunha alimentación sa, así como para que aprendan a elixir os alimentos que consumen con criterios responsables. Inclúe xogos, preguntas, sopas de letras e actividades de análise.