Alimentación Saudable na Escola.

O libro Alimentación Saudable na Escola é un exhaustivo material para docentes, pensado especialmente para os profesores de segundo ciclo de educación primaria.

Esta guía axudaraos a prepararse e a apoiar as súas clases de alimentación saudable. Para estas sesións, o libro incorpora catro bloques de materiais didácticos, organizados nos seguintes temas: Os alimentos como fonte de nutrientes, A pirámide da alimentación, As larpeiradas e O almorzo.

Os materiais pretenden servirlle ao profesor para organizar as súas clases de comida saudable: ofrecen propostas educativas para ser incluídas no currículo escolar ao longo de todo o ano lectivo e mais xogos didácticos e obradoiros de cociña saudable.

Moi apropiado para os docentes máis inquedos e con ganas de afondar nos problemas frecuentes e requirimentos nutricionais dos nenos e nenas de primaria.