A lavar os dentes!

Logo dunha comida sa... é hora de lavar os dentes! O libro-xogo A lavar os dentes! é unha divertida ferramenta educativa para lles ensinar aos nenos e nenas a partir dos catro anos a importancia de coidaren a boca, como complemento aos seus hábitos de alimentación saudable. Cantos tipos de dentes temos na boca? Como hai que cepillalos despois das comidas saudables? Que ferramentas precisamos para coidarmos da nosa boca? Os pequenos aprenderán as respostas a estas preguntas do xeito máis lúdico: axudando aos simpáticos personaxes do libro a coidaren a súa hixiene bucal tras as comidas. Recortables, despregables, textos divertidos e coidadas ilustracións logran que este libro infantil tridimensional sexa divertido e educativo a partes iguais.