Alimentación saudable

Alimentación saudable é un traballo de animación moi didáctico, que repasa con detalle as necesidades nutricionais dos nenos e nenas mentres os ensina que teñen que facer para alimentarse de forma sa. O vídeo revisa, en pouco máis de cinco minutos, as funcións dos diferentes tipos de alimentos , a tarefa dos nutrientes para o funcionamento do corpo humano, así como as consecuencias negativas da mala nutrición. A animación lembra cales son as comidas recomendadas durante o xantar, a hora do patio, a comida, a merenda e a cea; e introduce prácticas regras para que os escolares coñezan a proporción de cada tipo de alimentos que teñen que inxerir si queren manter unha alimentación saudable. Este recurso educativo tampouco se esquece de lembrar o impacto que os nosos hábitos de consumo teñen sobre o medio ambiente, cun repaso á coñecida regra do tres erres: reducir, reutilizar e reciclar. Trátase dunha práctica lección, en formato de vídeo de animación , que pode resultar un material didáctico de apoio moi útil para aqueles profesores que traballen conceptos como a pirámide nutricional ou os bos hábitos alimentarios cos alumnos.