Barrio Sésamo: O Conde conta movementos

Barrio Sésamo: O Conde conta movementos é un xogo activo que fomenta o exercicio físico divertido como un medio para combater o sobrepeso e a obesidade. O xogo está creado para nenos e nenas de educación Infantil e Primaria. O Conde Draco, marioneta da serie educativa Barrio Sésamo que ten como principal encargo ensinar os escolares a contar, será o encargado de motivar os escolares neste divertido xogo activo. A idea consiste a imprimir os dous dados animados da actividade, e enganchalos nunha cartolina antes de recortalos. Un deles incorpora bonecos que fan accións físicas –correr, saltar, bailar, etc.-, mentres que o segundo é un dado habitual, con números do 1 ao 6 nas súas caras. Os dous están dispoñibles no enlace da ficha, ás páxinas 15 e 16. Os nenos reuniranse nun lugar amplo, ao aire libre ou nunha aula interior espazosa. Un dos alumnos lanza o dado de movemento: a acción que saia será a que todos farán. Outro dos escolares será nomeado O Conde: este será o encargado de lanzar o dado de números para saber cantas veces farán o movemento. E toda a clase contará cO Conde en voz alta! A proposta é repetir o xogo ata que todos os escolares lancen, polo menos, unha vez o dado de movemento ou o dado de números. O Conde conta movementos, creado pola asociación Sesame Workshop, é un xogo orixinal, sinxelo de pór en práctica, que fomenta a actividade física saudable entre os escolares de Primaria e infantil mediante o xogo, e dunha forma moi divertida.