Actividades gastronómicas na contorna escolar. Ideas prácticas para o profesorado
Ideas útiles e ferramentas concretas para organizar e realizar cos escolares.
Descrición
O obxectivo desta guía é facilitar ao profesorado ideas útiles e ferramentas concretas, para organizar e realizar cos escolares, actividades gastronómicas que potencien o desenvolvemento de hábitos saudables de alimentación.
A guía comeza por dar algunhas ideas prácticas xerais para a organización de actividades gastronómicas na contorna escolar e propor algunhas actividades preparatorias.
O apartado seguinte dedícase á análise sensorial dos alimentos. Facilítase unha breve introdución teórica ao tema e proponse actividades orientadas a aproximar aos alumnos ao mundo dos sabores e a valoración organoléptica dos alimentos.
Por último, proponse algunhas receitas de cociña para facer na aula, apuntándose sempre posibles actividades complementarias, vinculadas á idea dunha alimentación sa e saborosa.